በስርዓተ-ፆታ ማካተት እና ምቹ የሥራ አከባቢ መፍጠር ዙሪያ የሴቶችና ወጣቶች ጉዳይ ዳይሬክቶሬት ለተቋሙ ሠራተኞች ግንቦት 3 ቀን 2009 ዓ.ም ሥልጠና ሰጠ፡፡
በሥልጠናው መግቢያ ላይ የሴቶችና ወጣቶች ዳይሬክተር ወ/ሮ ሙሉ ጥሩነህ እንደገለፁት ሥልጠናው በተቋሙ ያለውን የስርዓተ-ፆታ ማካተት በሚፈለገው ደረጃ እንዲገኝ ለሚሠራው ሥራ ግንዛቤ መፍጠሪያና ለትግባራዊነቱ አቅም የሚፈጠርበት መድረክ እንደሆነ ገልፀዋል፡፡
በስርዓተ-ፆታ ምንነት፣ አስፈላጊነትና አተገባበር ዙሪያ የሴቶችና ወጣቶች ጉዳይ ዳይሬክቶሬት ከፍተኛ ባለሙያ አቶ ገዛኸኝ ሙሊሣ ማብራሪ የሰጡ ሲሆን በገለፃቸውም የተለያዩ አገሮች ተሞክሮዎችንና በአሁኑ ወቅት በ
አብዛኛው የዓለም አገራት እየተተገበሩ ያሉ የስርዓት-ፆታ አተገባበሮች ላይ በተለያዩ ገላጭ ማሳያዎች ለሠራተኛው አስረድተዋል፡፡
የስርዓተ-ፆታ ሥራን በተቋም ውስጥ አካቶ እንዴት ሊታቀድ እንደሚችልና በእቅዱ ሊካተቱ እንደሚገቡ እንዲሁም በፌዴራል ዋና ኦዲተር መ/ቤት ባሉት ዳይሬክቶሬቶች ስርዓተ-ፆታ አካቶ ማቀድ በምን ደረጃ ላይ እንደሚገኝ ያለውን ነባራዊ ሁኔታ በማሳያነት በማቅረብ እና እቅዶቹ ያሉባቸውን ጥንካሬና ደካማ ጎን በማንሳት የስርዓተ-ፆታን ትግበራ ይበልጥ በመ/ቤቱ ውስጥ ውጤታማ በሚሆንበት አግባብ ላይ ወ/ሮ ሙሉ ማብራሪያ ሰጥተዋል፡፡
በሥልጠናው የተሣተፉ ሠራተኞችም ሥልጠናው ጠቃሚ መሆኑን ገልፀው የስርዓተ-ፆታን እኩልነት ለማረጋገጥና የታቀደውን እቅድ ተግባራዊ ለማድረግ ከፈፃሚው አካል በበለጠ በከፍተኛ የሥራ ኃላፊነት ያሉ አመራሮች ቢሣተፉ በእቅድ አካቶ ለመተግበር የተሸለ በመሆኑ በመሰል መድረኮች ላይ የአመራሩ ተሣትፎ ወሳኝ መሆኑን ገልፀዋል፡፡
ሥልጠናው በሁለት ፈረቃ ጠዋት ለድጋፍ ዘርፍ እና ከሠዓት ለኦዲት ዘርፍ ሠራተኞች ተሠጥቷል፡፡
0 thoughts on “ከስርዓተ-ፆታ ማካተት እና ምቹ የሥራ አከባቢ ዙሪያ ሥልጠና ተሠጠ”
ስርዓተ ፆታን በየወረዳው ባሉ ሴክተሮች ለማካተት ያመች ዘንድ የተሸለ ጥናታዊ ጽሁፍ በአማርኛ የተየረ ብትልኩልን በጣም እናመሰግናለን